السلام عليكم
ورحمة الله وبركاته...يارب تكونو جميعا بالف خير وفي صحة وسعادة...حبيباتي
بعد جهد جهيد ومسح الموضوع بالكامل بعد اعداده قمت باعداده مرة اخرى فقيمو
الله يخليكم حتى يتثبت او يشاهد من اكبر عدد ممكن حتى تصل الفائدة للجميع
وارجو ان يتقبله الله عملا خالصا لوجهه ويجزينا خير جميعا





**كنتاكي فرايد تشيكن...kentucky fried chicken



وعلى ضمانتي واحلى ان شاء الله







ووالله اللي هتجربه هتدمنه لانه سهل وبسيط وهيديك نفس طعم كنتاكي بالظبط بس يتنفذ زي معملته عشان يطلع حلو ان شاء الله



**المقادير انا
عملت نص فرخة لفردين عملت الصدور وقطعتها 6 قطع بجلدها متشيلوش الجلد عشان
ناخد نفس طعم عمو كنتاكي.. وسلقتها نص سلقة فيه ناس بتقلي على طول بس انا
جربت كتير جدا وسلق الفراخ بيخليها طرية ومستوية وممتااااااازة عن
تجربة(هذه الطريقة تنفع ايضا للبانيه)





بعد السلق تبلت الفراخ..(الخطوة دي اختيارية لان الدقيق هيكون متبل وممكن تزودي بهاراته وهيديك طعم حلو جدا



)



*عصير نص لمونة



*حبهان مطحون ربع معلقة صغيرة



*رشة فلفل اسود



*رشة زعتر وملح وكاري











القلي ....



دي اهم حاجة واقتبست جزء منها من صديقة غالية ليا



بنعمل خلطة من



*كوب دقيق (طحين)



*ربع كوب بقسماط مطحون



*معلقة طعام كبيرة كورن فلكش مطحون ناااااعم (اختياري)بتدي قرمشة حلوة



*معلقة صغيرة ملح



*م ص بودرة بصل



*معلقة صغيرة ثوم بودر(اذا لمو يتوفر البودر افركي الدجاج بثوم مفروم ناعم)



*نص زعتر مطحون...نص شطة للي بيحبو السبايس...نص كاري...رشة حبهان وفلفل اسود



ونقلب كله ونضيف نص م صغيرة بكنج بودر ودي اضافة مهمة وهي اللي بتدي شكل التجعيدات الحلوة و النفشة في فراخ كنتاكي























**ناخد جزء من خليط الدقيق ده حوالي ربع كوب ونضيف عليه مياة ونقلب بحيث يكون قوامه شبة البشاميل الخفيف ...











ونحط فيه الفراخ ونطلعها منه على خليط الدقيق الناشف المتبقي...وننفض الفراخ من الدقيق الزايد بدون منضغط عليها







وعلى طول على زيت
غزير على نار متوسطة يكمل سواها وتطلع على مناديل مطبخ لامتصاص الزيت
الزيادة وتقدم بالف هنا .....جربوها وهتدعوااااااااا لي











**قدمتها مع سلطة كول سلو ..وبطاطس مقلية .وممكن مع تومية



















وللتغيير في مرة اخرى عملت جنبها رز بالخضر والناناس طعمه رائع

**رز ابيض مستوي عادي



**في مقلاة نضع
قليل زيت ونشوح بسلة وجزر مبشور وكرنب مبشور (لو موجود)وقطع اناناس كمبوت
وقليل من عصير الاناناس الموجود مع الكمبوت ومعلقة صغيرة صويا صوص وملح
وفلفل وبس يتركو حتى النضج ويجف العصير



**من الممكن نخلط الرز مع الخضر فورا او نعمله طبقات زي معملت وبالف هنا...هو يعتبر اكلة صينية الى حد ما لكن كان تحفة فعلا







جربوه هيعجبكم انا متاكده باذن الله



















هنا الفرق بين القلي العادي وبين البكنج بودر













ممكن خلطة الطحين او الدقيق هذه نعمل بها حلقات البصل المقلية بتكون روعة ايضا

اتمنى تجربوها رح تدمنوها وكل اللي جربها بالطريقة دي مدح فيها الحمد لله ...ودمتم في رعاية الله